அழகாய் ஜொலிக்க விரும்புகிறீர்களா?

ஒரு நாளைக்கு குறைந்தது 3 லிட்டர் தண்ணீர் பருகுங்கள்.

* ஆறு, ஏழு மணி நேரம் தூக்கம் அவசியம். (செல்போனை நோண்டிக் கொண்டிருப்பது, சீரியல்களில் மூழ்கிவிடுவதை தவிர்த்தாலே தூங்க நேரம் கிடைக்கும். நன்றாக தூக்கமும் வரும்.)

* நார்ச்சத்து உணவுகள் அதிகமாக உட்கொள்ளுங்கள். பச்சைக் காய்கறிகளைச் சமைக்காமல் சாலட் செய்து சாப்பிடவும்.

* தினமும் இருமுறை குளிக்க வேண்டும். எத்தனை அசதியாக, சோம்பலாக இருந்தாலும் படுக்கைக்குச் செல்லும் முன் குளித்துவிட்டுப் படுக்கவும்.

* உடலுக்கும் தலைமுடிக்கும் தொடர்ந்து ஒழுங்காக எண்ணை தேய்க்கவும். அழகு சாதன பொருட்களை உபயோகித்தால் அவை மருத்துவத்தன்மையும், (ஹெர்பல்), இயற்கை தன்மையும் மிகுந்ததாக இருக்க வேண்டும்.

* பழங்கள் நிறையச் சாப்பிட வேண்டும். உடற்பயிற்சி கண்டிப்பாகச் செய்ய வேண்டும். ஒல்லியான, ஆரோக்கியமான உடல்வாகு வேண்டுமென்றால் அதற்காக நேரம் ஒதுக்கி உடற்பயிற்சி செய்ய வேண்டும்.

* படுக்கச் செல்லும் முன் ஒரு கிளாஸ் பால் குடியுங்கள். கால்சியம் கிடைக்கும். மேனி மெருகு பெறும்.

* கூடிய வரை காலநிலைக்கு ஏற்ப உடையணிய வேண்டும். மிக

அதிக வெப்பம், மிக அதிகமான குளிர் இரண்டுமே சருமத்தில் அதிகம் படக்கூடாது.

* வறுத்த, பொரித்த, மணமூட்டப்பட்ட உணவுகளை சாப்பிட வேண்டாம்.

* நள்ளிரவு வரை கண் விழிக்கக் கூடாது.

* ரசாயனங்கள் கலந்த பானங்கள், உணவுகள் வயிற்றுக்கும், காஸ்மெடிக்ஸ் வகைகள் சருமத்துக்கும் கேடு விளைவிக்கும். எனவே இவற்றைத் தவிர்க்கலாம்.

* ரோஜா இதழ்களை அரைத்து அதில் வேக வைக்காத உருளைக் கிழங்கை துருவிப்போட்டு, அரை எலுமிச்சையைப் பிழிந்து குளிர்சாதன பெட்டியில் 20 நிமிடங்கள் வைத்து எடுத்து கண்களின் கீழே தடவி வந்தால் `கருவளையம்’ மறைத்துவிடும். சிலருக்கு கண்களின் வெளிப்பகுதியில் சுருக்கங்கள் இருக்கும். இதை `க்ரோபீட்’ என்பார்கள். மேற்கண்ட கலவையை பூசிவந்தால் அதுவும் காணாமல் போய்விடும்.

* முதுமையில் கஷ்டப்படாமல் இருக்க வேண்டுமென்றால் இளமையில் கொஞ்சம் கஷ்டப்படுங்கள் என்று சொல்வார்கள். அழகை விரும்பினாலும் அப்படித்தான். கொஞ்சம் கஷ்டப்பட்டு சில முயற்சிகளை செய்யத்தான் வேண்டும். செய்து பாருங்களேன்!

எடையை குறைக்கும் தயிர், எடையை கூட்டும் உருளைக்கிழங்கு ?

தானியங்கள், பழங்கள், சாலட்கள் உண்பவர்களை விட, "பாஸ்ட் புட்' வகைகள், பொறித்த உணவு,
இறைச்சி வகைகளை உண்போர், சற்று பருமனாக இருப்பர் என்பது தெரியும். இங்கிலாந்தில் உள்ள ஹார்வர்டு பல்கலைக்கழகம், பருமனாக இருப்பவர்களிடம் ஆய்வு ஒன்றை நடத்தியது. இதன் முடிவில் சில அதிர்ச்சி தகவல்கள் வெளியாகின. கொட்டை வகைகளால் ஏற்படும் நன்மைகளை, அவித்த உருளைக் கிழங்கு கெடுக்கிறது என்றும், தயிரை தினமும் உண்டால் உடம்பை மெலிதாக வைத்துக் கொள்ளலாம் என்றும் தெரிவித்துள்ளது.

ஆய்வு: இப்பல்கலைக்கழகம், 20 ஆண்டிற்கும் மேலாக, 30 முதல் 50 வயதிற்குட்பட்ட ஒரு லட்சத்திற்கும் அதிகமான ஆண், பெண்களிடம் இந்த ஆராய்ச்சியை மேற்கொண்டது. அவர்களது உடற்பயிற்சி, உணவு, தூக்கம் ஆகியவையும் ஆய்வில் கவனத்தில் கொள்ளப்பட்டன.

குறைவான உணவு, அதிக உடற்பயிற்சி: உடலில் கலோரி வெளியேறுவது மற்றும் வெளியிலிருந்து கலோரி உள்ளே வருவதை பொறுத்து உடலில் வளர்ச்சி மாற்றம் ஏற்படும். "குறைவான உணவு; அதிகமான உடற்பயிற்சி' என்பதை தாரக மந்திரமாக கொள்ள வேண்டும். கலோரி, உடலுக்கு முக்கியமான ஒன்று. சில உணவுகளில் அதிக அளவு கலோரி உள்ளது. அவற்றை உண்ணும்போது, உடலில் நடக்கும் வேதியல் மாற்றத்தை பொறுத்து சிலர் பருமனாகின்றனர். ""மிதமான உணவுகளை உண்ண வேண்டும். இது கலோரியின் அளவை குறைக்கும். நாம் உண்ணும் உணவில் எவ்வளவு கலோரி உள்ளது என்பதை அறியாமல் உண்பதே பருமனுக்கு காரணம்,'' என பல்கலைக்கழக ஆய்வாளர் டரியூஸ் தெரிவித்தார்.

இன்சுலினை இம்சிக்கும் உருளை: பொதுவாக, காய்கறிகள் தொடர்பான ஆய்வுகளில், உருளைக்கிழங்கு ஒத்தி இருந்தது. அன்றாடம் உணவில், உருளைக்கிழங்கை சேர்ப்பவர்கள், நான்கு ஆண்டுகளில் குறிப்பிட்ட அளவு பருமனை அடைகின்றனர். எண்ணெய்யில் பொறித்த உருளைகிழங்கு கொழுப்பை அதிகரிக்கும் என்பது ஏற்கனவே தெரிந்தது. ஆனால், அவித்த மற்றும் கூழ்ம நிலையில் உள்ள உருளைக்கிழங்கு, உடலை குண்டாக்குவதாகவும், இதற்கு காரணம் இன்சுலின் ஹார்மோனை உருளை பாதிப்பது தான் எனவும் கண்டுபிடித்துள்ளனர்.

எடையை குறைக்கும் தயிர்: தினமும் உணவில் பழங்கள், காய்கறிகள், கொட்டை வகைகளை உண்பவர்களின் உடல் எடை, காலாண்டில் அரை பவுண்ட் (0.22 கிலோ) குறையும். தவிர, உணவில் தயிர் சேர்த்துக் கொள்பவர்களின் உடல் எடை, நான்கு ஆண்டுகளில் 1 பவுண்ட் வரை குறைகிறது என்ற ஆச்சர்ய தகவலும் ஆய்வில் தெரியவந்துள்ளது. ஆகவே உடல் எடையை குறைக்க வேண்டும் என நினைப்பவர்கள் எண்ணெய் பலகாரங்கள், உருளைகிழங்கு போன்றவற்றை தவிர்த்து, கலோரி குறைவாக உள்ள உணவுப் பொருட்களை உண்ணுங்கள். பலன் பெறுங்கள்.

முகம் பொலிவின்றி உலர்ந்த சருமமா?

முகம் பொலிவின்றி உலர்ந்த சருமமா?

ஒரு ஸ்பூன் வெள்ளரிக்காய் ஜூஸ், 2 ஸ்பூன் தயிர், இரண்டு ஸ்பூன் சாதம் வடித்த கஞ்சிஅல்லது இரண்டு ஸ்பூன் உருளை கிழங்கு ஜூஸ் இவைகளை நன்கு அடித்துக் கலக்கவும், பிறகு பஞ்சில் நனைத்து முகத்தில் தடவவும், அதன் பிறகு இரண்டு கண்களையும் மூடிக்கொண்டு அதன்மேல் இந்த கலவையை நனைத்த பஞ்சை வைக்கவும். 15min கழித்து முகத்தை wash செய்தால் முகம் அப்படியே பளபளக்கும்.